Средба со директорот на Програмата наука за мир и безбедност

Брисел, 4 јули 2018 година

 

PictureНа 4 јули 2018 година во новото седиште на НАТО во Брисел, директорот на Дирекцијата за безбедност на класифицирани информации, д-р Стојан Славески оствари средба со директорот на Програмата наука за мир и безбедност (SPS - Science for Peace and Security), д-р Дениз Бетен. На средбата беше разговарано за тековните активности и предизвици на Дирекцијата во однос на исполнувањето на стандардите на НАТО заради целосна подготвеност на Република Македонија за добивање статус на полноправна членка на НАТО. Исто така, беше разгледана можноста за поддршка и помош од страна на SPS програмата за надминување на најновите предизвици во делот на сајбер безбедноста. За таа цел во наредниот период е договорена советодавна мисија од страна на НАТО тимот во Скопје, при што ќе се утврдат приоритетите и безбедносните мерки што ќе треба да се подобрат или исполнат.

Средба со директорот за сигурност и безбедност на Советот на Европската Унија

Брисел, 3 јули 2018 година

 

PictureНа 3 јули 2018 година во Советот на Европската Унија во Брисел, директорот на Дирекцијата за безбедност на класифицирани информации, д-р Стојан Славески оствари средба со директорот на Директоратот за сигурност и безбедност, г-дин Морган Францис. На средбата беше разговорано за тековните активности на Дирекцијата и беа разменети мислења за зголемување на соработката помеѓу двете служби. Исто така, во однос на доделувањето на Република Македонија на датум за преговори за пристапување кон Европската Унија, беше разговарано и за безбедносните аранжмани помеѓу Европската Унија и Република Македонија склучени во 2005 година, во однос на нивно можно подобрување.

Учество на работилници во организација на DCAF

Скопје, 3-4 јули 2018 година

 

На 3 и 4 јули 2018 година, Дирекцијата зема учество на работилниците во организација на Центарот за демократска контрола над вооружените сили (DCAF).
Работилницата во Собранието на Република Македонија одржана на 3 јули, беше на тема „Јакнење на надзорот врз разузнавањето во Република Македонија“, а е поврзана со Меморандумот за разбирање помеѓу Собранието и ДКАФ потпишан во мај 2018 година, договорениот Акционен план за соработка од јануари 2018 година и релевантното национално законодавство.
Во насока на јакнењето на капацитетите на пратениците кои членуваат во Комисиите за обрана и безбедност, за надзор над работата на Управата за безбедност и контраразузнавање и Агенцијата за разузнавање и за одбрана и безбедност, пратениците беа сензибилизирани за пристапот до, и ракувањето со класифицирани информации, вклучително и создавање, прием, распространување и чување.
Целта на ова претставување беше подигање на нивото и разбирањето за легислативата со која се уредува материјата на класифицираните информации.

Спогодба со Австрија

Виена, 26 јуни 2018 година

 

На 26 јуни 2018 година во Виена, Австрија, беше потпишана Спогодбата меѓу Владата на Република Македонија и Австриската Сојузна Влада за размена и заемна заштита на класифицирани информации.
Во име на Владата на Република Македонија Спогодбата ја потпиша претседателот на Владата, г. Зоран Заев.

Потпишан Меморандум за соработка со Комората за приватно обезбедување

Скопје, 13 јуни 2018 година

 

PictureДиректорот Дирекција за безбедност на класифицирани информации, Стојан Славески, потпишa меморандум за соработка со претседателката на Комората на Република Македонија за приватно обезбедување, м-р Верица Милеска Стефановска. По повод воспоставување на соработката, во оваа прилика претставници од Дирекцијата за безбедност на класифицирани информации одржаа стручни предавања на тема: „Безбедносни проверки за правни и физички лица“ и „Физичка безбедност на објекти наменети за заштита на класифицираните информации“ кои ќе претставуваат значајни аспекти од областа на безбедност на класифицирани податоци поврзани со работењето на приватното обезбедување.

Регионална работилница во доменот на справувањето со тероризам и со кривичните дејства што се поврзани со насилен екстремизам

Тирана, 30 мај 2018 година

 

На 30 мај 2018 година во Тирана, Албанија, во организација на Регионалниот совет за соработка (RCC) од Сараево и Министерството за правда на Албанија, се одржа Регионалната работилница за службите за спроведување на законот/судските власти во доменот на справувањето со тероризам и кривичните дејства што се поврзани со насилен екстремизам. Настанот беше организиран под покровителство на ЕУ како составен дел од проектот на Центарот за демократска контрола над вооружените сили (DCAF) за регионални активности за спречување и справување во насилен екстремизам, спонзориран со IPA II 2016.
На работилницата учествуваа претставници на судските власти, јавните обвинителства и на националните безбедносни авторитети на Албанија, Босна и Херцеговина, Косово, Македонија, Србија и Црна Гора, како и гости од меѓународните организации и организациите партнери присутни во земјата.

Работна средба помеѓу директорите на НБА на Р. Македонија и Р. Хрватска

Загреб, 8 мај 2018 година

 

На ден 08. 05 2018 година во Загреб, Република Хрватска, беше одржана работна средба помеѓу директорите на националните безбедносни авторитети на Р. Македонија и Р. Хрватска. Целта на директорската средба беше размена на мислења, теоретски и практични искуства како и стекнување на сознанија за одредени правни решенија во доменот на заштитата на класифицираните информации во Р. Хрватска. Покрај можноста за добивање сознанија за имплементираната правна рамка на заштитата на класифицираните информации, работната средба допринесе и кон зајакнување на билатералните односи помеѓу двата безбедносни авторитети.

TAIEX Студиска посета на Националната канцеларија за безбедност на Шпанија

Мадрид, 10-12 април 2018 година

 

PictureВо рамките на „Студиската посета за размена на добрите пракси во областа на взаемната размена и заштита на класифицирани информации“, а со поддршка на TAIEX инструментот на Европската Комисија, во периодот од 10-12 април 2018 година, тричлена делегација од Дирекцијата за безбедност на класифицирани информации престојуваше во Мадрид, Кралството Шпанија, како гости на шпанската Националната канцеларија за безбедност.

TAIEX Работилница во врска со заштитата на чувствителните информации

Скопје, 22-23 март 2018 година

 

PictureСо поддршка на TAIEX инструментот на Европската комисија, на 22 и 23 март 2018 година во хотелот „Холидеј Ин“ – Скопје, Дирекцијата за безбедност на класифицирани информации ја организира работилницата со наслов „Чувствителните информации во областа на бизнисот, банкарството и ревизијата – правни решенија и практики“. Работилницата ја отвори директорот на Дирекцијата д-р Стојан Славески, а предавачи беа експерти од Дирекцијата за безбедност на класифицирани информации на Република Македонија и од националните безбедносни авторитети на Република Бугарија, на Република Хрватска и на Кралството Шпанија.
Целта на оваа дводневна работилница беше добивање компаративни сознанија, размена на искуства и унапредување на знаењата на учесниците за третманот на класифицираните и чувствителни информации во сферата на бизнисот, банкарството и ревизијата. Заради интегрирање на различните искуства што произлегуваат од секојдневната практична работа со класифицирани и чувствителни информации, на работилницата активно учество земаа претставници од државни институции, ревизорски тела, деловни банки, компании од приватниот сектор, невладини организации и клучни институции од критичната инфраструктура и безбедносниот сектор на Република Македонија.

Соработка со Филозофскиот факултет

Скопје, 19 март 2018 година

 

PictureДиректорот на Дирекцијата за безбедност на класифицирани информации, д-р Стојан Славески, потпиша Меморандум за соработка со деканот на Филозофскиот факултет, проф. д-р Ратко Дуев. Во таа пригода пред студентите на Филозофскиот факултет директорот одржа предавање на тема „Безбедносна култура и заштита на тајните информации во безбедносниот систем на РМ“.

Syndicate content