Насоки за начинот на пополнување на безбедносниот прашалник

Скопје, 20 април 2021 година

 

Безбедносниот прашалник, уреден со Правилникот за формата и содржината на обрасците на безбедносниот прашалник и на безбедносните сертификати („Службен весник на Република Северна Македонија“ бр.123/20) е образец што се пополнува од страна на лицето кандидат кој има потреба да поседува безбедносен сертификат (национален, НАТО или ЕУ) во зависност од степенот на класифицираните информации (ДОВЕРЛИВО, СТРОГО ДОВЕРЛИВО или ДРЖАВНА ТАЈНА) до кои тоа лице има потреба за пристап согласно принципот „потребно е да знае“. Безбедносниот прашалник се пополнува електронски, лично од страна на кандидатот, на македонски јазик со кирилско писмо.
Подетални насоки за начинот на пополнување на безбедносниот прашалник може да најдете во следниов документ:


Насоки за начинот на пополнување на безбедносниот прашалник


Во продолжение може да ги најдете безбедносните прашалници:


Безбедносен прашалник (Се пополнува електронски)


Безбедносен прашалник на англиски јазик (Се пополнува електронски)


За соодветно пополнување на безбеносните прашалници препорачуваме употреба на:
Adobe Acrobat Reader или Foxit Reader


Електронски систем за учење на Дирекцијата за безбедност на класифицирани информации

Скопје, 22 јуни 2020 година

 

Согласно член 69 став 2 алинеја 10 од Законот за класифицирани информации(*) („Службен весник на Република Северна Македонија“ бр. 275/19), Дирекцијата за безбедност на класифицирани информации е надлежна за организирање и спроведување обуки за безбедност на класифицирани информации. Следејќи ги искуствата на националните безбедносни авторитети на други држави членки на НАТО и современите текови во областа на едукацијата и развојот на информатичката технологија, Дирекцијата воведе електронски систем за обука за Законот за класифицирани информации(*).

До електронскиот систем за учење на Дирекцијата за безбедност на класифицирани информации можете да пристапите преку следниов линк:


Електронски систем за учење на Дирекцијата за безбедност на класифицирани информации [ЕСО на ДБКИ]


Интерен оглас 2/2021

Скопје, 10 јануари 2022 година

 

Одлука за избор за унапредување на административен службеник во Дирекција за безбедност на класифицирани информации


 

Дирекција за безбедност на класифицирани информации - Оглас 02/2021



Датум на публикување 27.12.2021 година.


Рокот за поднесување на пријавата со доказите трае 5 (пет) дена од денот на објавување.

Договор со Соединетите Американски Држави за безбедносните мерки за заштита на класифицирани информации


На 21 декември 2021 година во Скопје беше потпишан Договорот меѓу Владата на Република Северна Македонија и Владата на Соединетите Американски Држави за безбедносните мерки за заштита на класифицирани информации.

Во име на Владата на Република Северна Македонија Договорот го потпиша министерот за надворешни работи Бујар Османи, а во име на Владата на Соединетите Американски Држави, Договорот го потпиша амбасадорката на Соединетите Американски Држави во Скопје, Кејт Мери Брнз.

Со овој договор се регулира начинот на размената на класифицирани информации во областите на надворешните работи, одбраната, безбедноста, владеење на правото, науката, индустријата и технологијата, при што се утврдуваат потребните мерки и процедури за нивна заштита.

Работна средба со претставници на Националниот безбедносен авторитет на Република Албанија

Скопје, 6-7 декември 2021 година

 

PictureПо покана на директорот на Дирекцијата за безбедност на класифицирани информации тричлена делегација на Националниот безбедносен авторитет на Република Албанија ја посети Дирекцијата за безбедност на класифицирани информации во периодот од 06 до 07. 12. 2021 година.

На состанокот беа дискутирани повеќе прашања од заемен интерес за двете иснституции. Притоа, акцентот беше ставен на динамиката на имплементација на потпишаниот билатерален договор како и на соработката во областа на безбедност на лица - корисници на класифицирани информации, индустриската и информатичката безбедност на класифицирани информации. Воедно, беа разменети компаративни искуства и за постојната правна регулатива во двете земји од областа на класифицираните информации.

Посета на Република Словенија

Љубљана, 27 октомври 2021 година

 

PictureНа 27 октомври 2021 година, делегација на Дирекцијата за безбедност на класифицирани информации ја посети Канцеларијата за заштита на тајни податоци на Владата на Република Словенија. За време на средбата беше разговарано за повеќе актуелни прашања од доменот на работата на националните безбедносни авторитети, вклучувајќи ја и соработката во рамките на иницијативите за регионална соработка SEENSA и 6S.

За време на престојот во Љубљана беше реализирана посета и на Центарот за европски перспективи на Република Словенија. На средбата со извршниот директор на Центарот, г-ѓа Катја Гершак, беше разговарано за важноста на активностите насочени кон справувањето со ширењето дезинформации од надвор.


Повеќе слики од посетата


Коментар на Законот за класифицирани информации

Скопје, 07 јули 2021 година

 

PictureДирекцијата за безбедност на класифицирани информации во соработка и со поддршка од Женевскиот центар за управување со безбедносниот сектор (ДЦАФ), на 07 јули 2021 година во Скопје, одржа конференција и презентација на публикацијата „Коментар на Законот за класифицирани информации“.

Организирана во рамките на „Програмата за реформи во разузнавачкиот и безбедносниот сектор во Република Северна Македонија 2021-2026 година“ на ДЦАФ, конференцијата имаше за цел да го промовира Коментарот на Законот за класифицирани информации и да ги претстави новитетите во регулативата за заштита на класифицирани информации. Воедно, беа разменети мислења за потребата од подигање на безбедносната свест кај корисниците на класифицирани информации и беше промовиран Е-туториалот за класифицирани информации за реализација на таа цел.


Повеќе слики од настанот


Седумнаесетгодишнина на Дирекцијата за безбедност на класифицирани информации

Скопје, 05 март 2021 година

 

PictureНа 05.03.2021 година, на пригоден настан, со примена на пропишаните мерки за заштита и превенција на ширење на COVID-19 вирусот, беше одбележана седумнаесетгодишнината од формирањето на Дирекцијата за безбедност на класифицирани информации. Притоа беа сумирани остварените резултати од работењето во изминатата година и беше потврдена определбата на Дирекцијата и во иднина да биде главен стожер во заштитата на класифицирани информации и активно да учествува во одржувањето и унапредувањето на безбедноста на државата. По тој повод, на вработен административен службеник со редоследно најдолгогодишен работен стаж во Дирекцијата во моментот на одбележување на годишнината, како признание за дадениот придонес во градењето на капацитетите и остварувањето на резултатите на работењето на Дирекцијата, му беше доделена пригодна плакета.

Договор со Република Грција за заемна заштита на разменетите класифицирани информации

Скопје, 26 февруари 2021 година

 

PictureНа 26 февруари 2021 година во Скопје беше потпишан Договорот меѓу Владата на Република Северна Македонија и Владата на Република Грција за заемна заштита на разменетите класифицирани информации. Во име на двете влади, Договорот го потпишаа директорите на надлежните национални безбедносни органи за заштита на класифицирани информации, г. Стојан Славески и генерал мајор Ангелос Худелудис. За време на средбата беше разговарано за постојните билатерални релации меѓу двете земји и за новите можности за уште поголема соработка во области што вклучуваат размена на класифицирани информации. Воедно беа потврдени заемните заложби за интензивирање на блиската соработка и реафирмација на процесот на градење доверба меѓу двете земји како пример за добрососедски односи во регионот.

Syndicate content