Подготовки за одржување на првиот alumni семинар на земјите членки на ЕУ и на земјите кандидати за членство на Унијата

Скопје, март 2011 година

 

Во рамките на Програмата за обука за ЗБОП за 2001 година на Европскиот колеџ за безбедност и одбрана и на активностите сврзани со Националната програма за приближување на националното законодавство кон законодавството на ЕУ (НПАА), Дирекцијата за безбедност на класифицирани информации ќе биде домаќин на првиот alumni семинар на земјите членки на ЕУ и на земјите кандидати за членство на Унијата што ќе се одржи во периодот од 12 до 15 септември 2011 година во Охрид.

Во насока на утврдување на деталите сврзани со организацијата на семинарот, локацијата на одржување и програмата за работа, на 16 и на 17 мај 2011 година во посета на Република Македонија ќе престојува д-р Јохан Рехл од Сојузното министерство за одбрана и спорт на Република Австрија.