Состанок на Република Македонија со НАТО Комитетот за политика и партнерство

17 декември 2013 година, Брисел

 

Директорот на Дирекцијата за безбедност на класифицирани информации на 17 декември 2013 година учествуваше на Состанокот на Република Македонија со НАТО Комитетот за политика и партнерство што се одржа во седиштето на НАТО во Брисел. На Состанокот се презентира ГНП на Република Македонија за 2013-2014 година, како дел од 15-от циклус на Акциониот план за членство на Република Македонија во НАТО.

TAIEX Студиска посета на Националниот безбедносен авторитет на Република Полска

9-10 декември 2013 година, Варшава

 

Во соработка со TAIEX инструментот на Европската комисија, во периодот од 9-10 декември 2013 година, тројца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Република Полска.

Темата на студиската посета беше од доменот на безбедноста на лица корисници на безбедносни сертификати и воедно претставуваше и можност за размена и за споредување на искуствата на Дирекцијата за безбедност на класифицирани информации на република Македонија и на Агенцијата за внатрешна безбедност на Република Полска.

Тркалезна маса за претставување на Компаративната анализа за практична примена на посебните истражни мерки (ПИМ)

12 декември 2013 година, Скопје

 

На 12 декември 2013 година ќе се одржи тркалезна маса за претставување на Компаративната анализа за практична примена за посебните истражни мерки во организација на Здружението за кривично право и криминологија на Република Македонија и отсекот за владеење на правото при Мисијата на ОБСЕ во Скопје. На тркалезната маса се поканети и претставници од Дирекцијата за безбедност на класифицирани информации коишто на дебатата во врска со практичната примена на ПИМ и предлагањето решенија и препораки во пресрет на новиот Закон за кривична постапка, кој веќе стапи во сила, ќе се осврнат на надлежностите на судовите од доменот на работата и ракувањето со класифицирани информации.

TAIEX Студиска посета на Националниот безбедносен авторитет на Словачката Република

11-14 ноември 2013 година, Братислава

 

Од областа на индустриската безбедност, а во соработка со TAIEX инструментот на Европската комисија, во периодот од 11-14 ноември 2013 година, тројца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Словачката Република.

TAIEX Работилница за заштита од електромагнетно зрачење (TEМPEST)

Сараево, 23.10.- 24.10.2013 година

 

Во периодот, 23.10.- 24.10.2013 година тројца претставници од Дирекцијата за безбедност на класифицирани информации учествуваа на TAIEX работилница за TEМPEST опрема и TEMPEST зонирање. Целта на Работилницата беше унапредување на регионалната соработка на земјите од Западен Балкан во обезбедување заштита на класифицирани информации преку заштита од компромитирачко електромагнетно зрачење и TEMPEST контрамерки.

Прва фаза на билатерални преговори со Босна и Херцеговина

Скопје, 9-10 октомври 2013 година

 

Во периодот од 9-10 октомври 2013 година во Скопје започна првата фаза на билатералните преговори за размена и заемна заштита на класифицирани информации помеѓу владите на Република Македонија и на Босна и Херцеговина. Преговорите ги водеа претставници од Националниот безбедносен авторитет на Босна и Херцеговина и Делегацијата на Владата на Република Македонија за водење преговори за склучување спогодби за размена на класифицирани информации на билатерална основа со други држави.

TAIEX Студиска посета на Националниот безбедносен авторитет на Република Чешка

Прага, 7-10 октомври 2013 година

 

Во периодот од 7-10 октомври 2013 година двајца претставници од Дирекцијата за безбедност на класифицирани информации реализираа TAIEX студиска посета нa Националниот безбедносен авторитет на Република Чешка, во соработка со TAIEX инструментот на Европската комисија. Размената и стекнувањето нови искуства во доменот на класифицираните информации на оваа студиска посета се однесуваше на акредитацијата и сертификацијата на комуникациско-информатичките системи.

Конференција на Мултинационалната работна група за индустриска безбедност (MISWG)

Виена, Австрија, 17-20 септември 2013 година

 

Во периодот од 17 до 20 септември 2013 година во Виена, Австрија, се одржа 28-та по ред Конференција на Мултинационалната работна група за индустриска безбедност (MISWG) на којашто прв пат учествуваше и Република Македонија со статус на земја-набљудувач. Дирекцијата за безбедност на класифицирани информации ја претставуваше директорот.

На конференцијата беа разгледани повеќе прашања од доменот на заштитата на класифицираните информации со посебен акцент на индустриската безбедност, презентирани преку националните извештаи на земјите учеснички.

Работилница за безбедносната политика на НАТО

Брдо кај Крањ, Словенија, 16-20 септември 2013 година

 

Од 16-20 септември 2013 година во Брдо кај Крањ, Словенија, се одржа Работилница за безбедносната политика на НАТО за офицерите за безбедност на земјите што не се членки на Алијансата и на меѓународните организации. Работилницата беше во организација на Канцеларијата за безбедност на НАТО (NOS) со поддршка на Националниот безбедносен авторитет на Република Словенија. На оваа работилница учествуваше и еден претставник од Дирекцијата за безбедност на класифицирани информации.

Акцентот на Работилницата беше ставен на обуката на офицерите за безбедност со цел полесно имплементирање на НАТО безбедносните стандарди во земјите не-членки на НАТО.

TAIEX Студиска посета на Државната комисија за безбедност на информации на Република Бугарија

Софија, 10-11 септември 2013 година

 

Тројца претставници од Дирекцијата за безбедност на класифицирани информации во периодот од 10-11 септември 2013 година реализираа студиска посета на Државната комисија за заштита на информации на Република Бугарија, организирана со поддршка на TAIEX инструментот на Европската комисија. Целта на оваа студиска посета беше стекнување нови искуства во изведувањето инспекции за имплементација на критериуми и мерки за административна безбедност во регистрите и контролните точки за чување класифицирани информации.

Syndicate content